Jærsk landskap / landscape at Jæren

Det varme veret gjer at det vert lite turgåing med meg.

(Eg har ein hudlidelse som forverrer seg i varmen, og gjer meg lite mobil dei varmaste dagane.)

I går drog mannen og eg på biltur i staden. Vi køyrde rundt i kommunen, på små vegar som sjelden vert brukt, og langs havet på hovudvegen.

Disen låg som eit teppe over landskapet, som han ofte gjer på sommarstid.

Igjen sit eg igjen med tanken om kor fint dei eigentleg er her, ope og forblåst men likevel er det noko der som tiltaler meg meir og meir.

kornet som vaiar i vinden..

Vindskeive tre og steingardar langs åker og eng...

traktoren har sett sine spor, etter mange travle arbeidsdagar

blomar og strå langs med veikanten...

På treningsfronten, vert det mest sykling - i kjellaren, samt litt på andre apparat eg har lånt.

Eg fekk heim ein romaskin, og hadde planar om å bruke den mykje i sommar, for å få god trening på overkropp. Sette igang, fekk det godt til og var veldig fornøgd med meg sjølv etterpå.

Litt seinare sette eg meg ned i godstolen, då kjende eg at eg var øm nederst i ryggen/øverst i baken. Det viste seg å vera ope sår, gnagsår frå skrua som fester setet på romaskinen....

Lite stas å verta bandasjert på ein slik plass.

Anten må skrua polstrast eller kanskje aller helst baken, før eg kan bruka det apparatet ei gong til....

Nei, eg får nok heller halda meg til andre treningsapparat. :-) -- og romaskinen kan igjen verta nedstøva i kjellaren til naboen....

Ha ei fin veke!