Spor i sand

På min morgontur i dag, vart eg gåande med nasen vendt mot jord. Mest fordi sola skein, og eg ikkje likar å få henne midt i ansiktet.

Jau, eg registrerte fuglar som kvitra og bølger som "stilltra" seg inn mot land, men tankane var liksom ikkje der i dag.

Tankane begynte å kverna, rundt alle fotspora i sanden, store, små, dyr, fuglar osv. Kven er alle, unge - gamle, store steg - små steg, kva skotøy har dei brukt? osv

Her kan ein leggja igjen eit fotspor, som etter kort tid forvinn i ver og vind.

Eg tenkte ut så mange ting eg ville skriva om, men når eg sette meg ned ved pc-en, vart det liksom så vanskelig å formidla det eg hadde tenkt ut

nye og gamle spor

spor som er nesten borte

spor etter kjærestepar?

Ein kommentar til onsdagens innlegg om snegler. Fredag var dei fleste borte. Slektstreffet var nok over, kan henda dei som då var igjen hadde "styremøte" - planleggjing av neste års treff. I dag var det nok bare dei "fastbuande" igjen.