I Garborg sitt rike

I iskald vind og sol som kom fram gjennom dis, har eg i dag vandra i Garborg sitt rike. Var så heldig at dette var første dagen hytta var open i år, og eg vart då årets første gjest....

Innimellom vindskeive tre finn ein Knudaheio: Diktaren Arne Garborg si sommarstove på Jæren.

" Det er ikkje mykje eg er så nøgd med i verda som "jærfjellstova" mi". Frå Dagboka 1919.


Trea som vart planta på Garborg si tid er mosegrodde, det same er steingardane og.

"Tanken gjev uro,

tanken gjev sut;

endå må du tenkja

dine tankar ut"

Det stig eit hav av alveland

med tind og mo

det kviler klårt mot himmelrand

i kveldsblå ro

Eg såg det tidt som sveipt i eim

bak havdis grå;

det er ei huld, ein heilag heim

me ei kan nå

Denne klokka er eit av to møbler han fekk med seg frå barndomsheimen.

På ein topp eit stykke frå hytta, har Arne Garborg fått sitt store minnesmerke. Her skuer han ut over Jæren, og ser alvane i solnedgangen i kveldsdisen.